हेटौडा नगरपालिका एक परिचय


       'हेडम्वा' र शक्ति स्वरुपिणी माता भुटनदेवीको ऐतिहासिक तथा धार्मिक पृष्ठमूमिमा मानव बसोबासको लागि योग्य शहरको आधारभूत पूर्वाधार संरचना तथा भौतिक विकासको गतिमा अगाडि बढिरहेको 'हेटौंडा' अधिराज्यका २ राष्ट्रिय राजमार्गहरु महेन्द्र राजमार्ग र त्रिभुवन राजपथको संगमस्थलमा अवस्थित छ । मध्यमाञ्चल विकासक्षेत्रको क्षेत्रीय सदरमुकामको रुपमा नेपालको मध्य भागमा रहेको हेटौंडालाई वि.स. २०२६ सालमा नगर पञ्चायत घोषणा गरिएको थियो ।

हेटौंडाका प्रमुख विशेषताहरुः

  • देशको प्रमुख २ राजमार्ग महेन्द्र राजमार्ग तथा त्रिभुवन राजपथको संगमस्थल,
  • राजधानीबाट १३२ कि.मी. दक्षिण दूरीमा अवस्थित,
  • चुरे र महाभारत पर्वतको फेदीमा अवस्थित, उष्ण तथा समशितोष्ण हावापानी,
  • मकवानपुर जिल्लाको सदरमुकाम,
  • देशको तेश्रो ठूलो औद्यौगिक नगर,
  • भारतसंगको प्रमुख नाका बीरजन्गसंग राजधानी जोड्ने एक मात्र द्वार ।
भौगोलिक अवस्थितिः

  • उचाईः समुद्र सतहबाट ३०० देखि ३९० मिटर उचाइमा अवस्थित,
  • प्रशासनिक विभाजन अनुसार वडा संख्याः ११
  • क्षेत्रफलः ४४.५० वर्ग कि.मी.
  • वन जंगलः २३ प्रतिशत
  • कृषि क्षेत्रः ४५ प्रतिशत
  • आवास क्षेत्रः ११ प्रतिशत
  • औद्यौगिक क्षेत्रः १० प्रतिशत
  • शहरी क्षेत्रः ७ प्रतिशत
  • अन्यः ४ प्रतिशत
सिमानाः

  • पूर्वः हटिया गा.वि.स.
  • पश्चिमः बसामाडि गा.वि.स.
  • उत्तरः मकवानपुरगढी र भैंसे गा.वि.स.
  • दक्षिणः चुरियामाइ र पदमपोखरी गा.वि.स.
प्रमुख नदीहरुः

  • राप्ती
  • कर्रा 
  • सामरी